Luke 2: 41-51
Jerusalem biehinn sunga naupang Jesu
Tuachin Peisan pawi mangin anu leh apa Jerusalem ah kum chin in ahaw zeel uhi. Jesu kum sawmleni achin in zong atawndan uh dungzui in a vahaw uhi. A pawi man uh ahing ven bepin ahing kile ua naupang Jesu pen Jerusalem ah aumden a, anu leh apa’n atheisih uhi. Hinanleh amauten alawmte lah a um hiva achi ua, nikhat lam ahing peita uhi. Tuamin ahiengte uleh azawpite lah asui ua; amulou bep un ama sui dingin Jerusalem ah akileta uhi. Ni thum jou in, bieh inn sunga siete lah a athugente uh ngai leh donga tou avamu uhi. Ama thu za jousien atheisiem dan leh adawndante lamdang asa uhi. Anu leh apa’n avamu bep un lamdang asa ua, anu’n akungah, “Ta aw, bangdinga tambanga nahing bawl e? Ngai in, kei leh na pa’n gentheitah in kahing suikawi uhi,”achi hi. Tuamin aman akung uah, “Bangdinga kei nahing sui uh e? Ka Pa inn sunga ka umding theilou nahi uh amah?” chin agen hi. Ahivang in a thugente amauten hoitah in atheisiem sih uhi. Khumin ama utoh ahing zawh a, Nazareth ah a tungta uhi, tualeh thumangtah in aum a, anu in tami thu jousie a lungsim ah achingkipta hi.
