Mark 12:1-12
Leengga huon gentena
Khumin aman, akung uah gentena in thu agen hi. “Pasal khat in leengga huon abawl a, dai in a iim kiimkot a, leenggazu hawh nading kokhuuh tawsa in akoi hi. Tualeh innsawng khat alam a, huon bawlte asaansahta a, gam tuom ah apeita hi. Ahun ahing chin in, aman aleengga huon saan lading in asuohpa khat, naseemte kungah asawlta hi. Khumin naseemten asuohpa khu anaman ua, avuohjou un bangma pelou in aguoh in asawlta uhi. Khumin aman asuoh dang khat asawlkia a, Amauten alutang asaatliem pieh ua, zumhuoitah in ana bawlsie uhi. Tuachin adangkhat asawlkia a, tuapa pen ana thatta uhi. Tualeh midang tampi zong asawl a, khenkhat avothop ua, khenkhat ana that uhi. Khumin aman mi khat anei nalaia, tuapa pen atapa ittah ahi. Atawpna ah aman,“Ka tapa na zataat va uh” chin asawlta hi. Hinanleh tua naseemten, “Tampa agamluo dingpa ahi, hingpei un, that vai, tuachin anei alamte ei a ahiding hi,” chin akihou uhi. Tuachin ama aman ua athat ua lengga huon pulam ah apaidohta uhi. Tun lengga huon neipa’n bang alawta diei? Amapa ahingpei dinga, naseemte athat dinga, aleengga huon khu midang kung ah apeding hi. Laisiengthou sunga tambanga kigiel simkhalou na hi uh amah? “Innlam ten adeilou uh suong ngeel khu, a ninga suong manpha pen ahing suohta hi.11 Tami Pasian silbawl ahia, eite mitmu in alamdang mama hi.” 12 Khumin gentena thu agen khu amaute agenna ahi athei ua, matding a-ut ua, hinanleh mipite agiin jieh un amapen anuasie ua, apeimangta uhi.
