Mark 11:27-33
Jesu thuneina Aginlana Uh
Khumin Jesu leh anuazuite Je- lusalem ah ahingpeikia uhi. Biehinn sunga ahing luut un, siempuliente, laigielte leh upate akungah ahingpei uhi. Amauten akungah, “Bang thuneina toh tamte nabawl ahiei, ahilouleh tam silte nabawl nadingin koi in thuneina ahingpieh amah?” chin agen uhi. Jesu’n akung uah, “Thu khat kahing dong ding a, nahing dawnthei uleh, ken zong bang thuneina a tam silte kabawl e chi kahing hil ding hi. Baptispa John in, baptisma abawlpen van akipat ahiei, ahilou leh mihing akipat ahiei? Hing dawng un,” achi hi. Khumin amaute akiseelzaah ua, “ ‘Van akipat ahi,’ chilei, ‘Ahileh bangdinga na gintaatlou uh ahiei?’ ahing chiding hi. ‘Mihing akipat ahi,’ i chiding amah?” achi uleh, Baptispa John pen mi jousien guolnei tahtah a apom jieh un, mipite agiing uhi. Khumin “Ka theisih uhi” chin adawng ua, tualeh Jesu’n akung uah, “Ken zong bang thuneina toh tam silte kabawl ahiei chipen kahing hil tuom sih ding hi,” chin agen hi.
