John 19: 25-34
Tuachin gaalkapten khum bangin abawlta uhi. Khumin Jesu singlamte kungah, anu leh anu sanggamnu, Klopas zi Mari leh Mari Magdalene ading uhi. Jesu’n anu leh anuazui a-itpa akunga ding amubep in, “Numei na tapa en in!” achi hi. Khumin anuazuipa kungah, “Na nu en in,” achi hi. Tuachin tuani akipat in nuazuipa’n amanu a innlang ah apuita hi. Tuazouin, sil jousie zawsieng ahita chi athei chiengin, (Laisiengthou gen taangtun nadingin) “Ka dang ataah hi,” achi hi. Tualeh tuana beel dimtah in zupawng akitunga, tuachin tuihuupna hissop chieng dawn ah ataah ua, akam ah asutuo uhi. Jesu’n zu pawng thuapi atawpzou in, “Zaw ahita,” chin akuun a ahagau ahata hi. Teipi a akisutna leh haan a akivuina Tuachin tua ni annzalui kigin kholni ahia, atahsa khu khawlni a aumdenlou nadingin (ajiehpen tua khawlni khu ni thupi khat ahi), Jiuten Pilat kungah, akeengte uh saattawng a, aluongte uh laahkhiet dingin angen uhi. Tuachin gaalkapte ahingpei ua, amasapenpa leh akikhailuppipa keeng asaattawng pieh ua, hinanleh Jesu kung ahing tun chieng un ashisa a na um amu ua, akeeng asaattawng pieh nawnsih uhi. Hinanleh gaalkapte khat in apang tei in asutpieh a, tualeh thakhat in tuana pat sisan leh tui ahing luongkhie hi.
