John 21:15-19
Khumin zing ann anehzou un, Jesu’n Simon Peter kungah, “John tapa Simon aw, tamnate sangin kei nahing itzaw amah?” achia aman akungah,“Topa kahing it ahi chi nathei hi,” achi hi. Aman akungah, “Ka keelnguoinoute vaah in,” achi hi. Aniveina in akungah “John tapa Simon aw, nahing it eimah?” achi hi. Aman akungah, “Ka keelnguoite ching in,” achi hi. Tualeh athumvei nadingin akungah “John tapa JOHN Simon aw, nang kei nahing it eimah?” achi hi. “Kei nahing it amah?” achi athumveina ahitah jieh in Peter alunggimta hi. Tualeh aman akungah, “Topa sil jousie nathei a kahing it hi chi zong nathei hi,” achi hi. Aman akungah, “Ka keelnguoite vaah in. Naneulai in nangma’n na kawng nakigaah a, na nopnopnah na ki pei a, hinanleh nahing pichin chieng in, nabaan nazaah dinga, tuachin midang in nakawng agaah dinga, na noploulouna lam ah ahing puikawi ding uhi, chi thutah kahing hil nahi hi,” achi hi. Tami khu bangchi bang shina a Pasian atawisang ding ahiei chi lah na dinga agen ahi. Tami thu agenzou in, “Hing zui in,” achi hi.
