John 17:11-19
Tualeh tu’n leitungah ka um nawnsih dinga, hinanleh amaute pen leitungah aum ding uhi, kei nakung hing zuon kahita hi. Asiengthou Pa aw, eigel pumkhat ihibanga amaute zong pumkhat ahithei nading un kakhut a nahing piehte na min in keem in. Kei amaute kunga ka umlai in, kakhut a nahing piehte na min in ka keem hi, ken amaute ka veeng a, laisiengthou thu taangtunthei nading in mi mang thangpa tapa chiloungaal koima mansuo khah aumsih hi. Hinanleh tu’n nakung kahing zuon hi, tualeh ka kipahna atung ua abukimthei nading in, tamte leitungah kagen hi. Nathu amaute kapie a, tuachin kei leitung a kahilou mabanga amaute zong leitunga ahilou jieh un, leitung in amau te anuol hi. Amaute leitung apat a nalaahdoh ding kahing ngensih a, hinanleh sietna lah apat a naveen dingin kahing ngenzaw hi. Kei leitung a kahilou mabang in, amau zong leitung a ahisih uhi. Nathu khu thutah ahia, thutah in amaute siensuo in. Nang leitunga nahing sawl ma bangin, ken zong amaute leitung ah ka sawlta hi. Amau jieh in kei ka kisiensuo a, amaute kei banga thutah a ahing kisiensuothei nading un.
