John 15:26—16:4
Hinanleh Pa a pat hing kipan ken Pa akipat a kahing sawl ding Hagau dihtah, Hamuontu khu ahingpei chieng in, ka tungtaang thu ahing theisah ding hi. Tuachin akipatchiil apatsa kei toh umkhawm nahi jieh un, nou zong atheipite nahi ding uhi.
“Na pua ding uh kiveenna tam bang thute kagen ahi. Kikhop na innte ah ahing koikhe ding ua, adihtah in, koipou in nou ahing tha chieng ua Pasian naseem a akingai tuona hun uh ahing tung ding hi. Tuachin Pa leh kei ahing theilou jieh un tua silte ahing bawl ding uhi. A hun ahing tun chienga atungtaang thu ua kagente nathei zing nading ua, tam silte na kung ua kahing gen ahi. “Na kung ua um kahi jieh a, tam thute nakung ua kagen lou ahi.
