John 14:15-21
Hamuontu dihtah Hagau
“Nahing it uleh kathupiehte nazui ding uhi. Tuachin Pa kungah ka ngen dinga, aman nou toh kumtawn a umzing ding, Hamuontu tuom khat ahing peding hi, Tuapen leitunga mi theilou Hagau dihtah ahi, ajiehpen leitung in tua khu amungai sih a, thei zong athei khasih hi, nouten vang nou toh aum jieh leh nouma a aum zing ding jieh in, ama nathei uhi. “Umpi ding neilou in kahing nuasie sih ding a, nakung uah kahing pei ding hi. Sawtlou kaal sung in leitung in ahing mu nonsih ding a, hinanleh nouten nahing mu ding uhi, ajiehpen keima kahin jieh in, nou zong nahing ding uhi. Tuazou in, kei Pa ah ka umdinga, noute keima ah na umding ua, kei nouma ah ka umding hi chi nathei ding uhi. Koipou ka thupiehte nei a zuite, kei hing it ahia, tualeh kei hing it pouma ka it in aum ding a, tuachin ken ama ka it dinga, akungah kava kihil ding hi.
