John 14:1-12
Pa kung zotna lampi
“Na lungtang uh mangbangsah sih un, Pasian nagingta ua, kei zong hing gingta un. Ka pa inn ah um nading mun tampi aum hi, noute a ding mun umlou hileh hing hilh talou ding kamah? Tuachin nou a dinga mun bawl a kavakuon leh, kahingpeikia dinga, ka umna a nou zong na umthei nading un kahing la ding hi. Tuachin kapei nading lam nathei uhi,” achi hi. Thomas in akungah, “Topa, napei nading lam katheisih uhi, alampi bang chin kathei ding uoi?” achi hi. Jesu’n akungah, “Kei lampi leh thutah leh hinna kahi, kei tungtawn a peilou koima Pa kung atungthei sih hi.” Jesu leh Pa pumkhat “Nouten kei nahing thei uleh ka Pa zong nathei ding uhi, tuana kipat in ama nathei ua, na muta uhi,” achi hi. Philip in akungah, “Pa hing musah in, tua hileh kalung uh kimta va,” achi hi. Jesu’n akungah, “Philip nakung ua tamtan veipi um inga, hingthei nai va ia lou namah? Koi zong kei hing mu khu Pa mu ahi, ‘Pa hing musah in,’ bangdinga nachi ahiei? Kei Pa ah ka uma, Pa zong keima ah aum hi chi gingtalou namah? Na kunga kathugente ka nopnop a kagen ahisih a, Pa keima a aum jieh a tam naate kasep ahi. Hing gingta un: Kei Pa ah ka uma Pa zong keima ah aum hi, ahisihleh, kanasepte jieh beh in hing gingta un. “Koi zong kei hing gingta in, kasep kabawl jousie aman zong aseem ding hi. Pa kunga kapei ding jieh in tamte saanga thupizote zong aseem ding hi, chi thudih kahing hil nahi uhi.
