John 6:52-59
Khumin Jiute akiniel ua,“Tamipa’n nehding a atahsa bang a hing chi pieh ding ahiei?”achi uhi. Khumin Jesu’n akung uah, “Mihing Tapa tahsa naneh ua, chitahtah a, asisan na dawnsih uleh hinna na neisih ding uhi, chi thu kahing hilh nahi uhi. Koizong ka tahsa ne a ka sisan dawn in kumtawn hinna aneita a, tuachin ken ama nitawpni chiengin ka thousah ding hi. Ajiehpen ka tahsa khu ann tahtah ahia, tualeh ka sisan khu dawn ding tahtah ahi hi. Koizong ka tahsa ne a, ka sisan dawn khu keima a umzing ahia, tualeh kei zong ama a um zing kahi hi. Ahing zing Pa in ahing sawl bang in, Pa zaal in kahing zinga, tuajieh in koizong kei hing ne pouma keima zaalin ahing zing ding hi. Tami van apat a hing kumsuh tanghou ahi, napu napaten ane ua, ashi bang uh ahi sih hi; koizong tami tanghou ne pouma kumtawn in ahing ding hi,” achi hi. Tam thu Kapernaum ki khopna inn a athu hilh laia agen ahi.
