Matthew 26:14-25
Judas Iskariot in Jesu azuana
Tualeh sawmlenite lah a pasal khat amin Judas Isakriot kichipa siempu liente kungah avahaw a, “Ken tuamipa nou kungah hingtut leng kei bang nahing peding uoi?” avachita hi. Tualeh amapa dangka sawmthum apeta uhi. Tuajouin Jesu amatsahthei nading hun pha adapsui jingta hi. Jesu in anuazuite toh Peisan pawi ann anehkhawmna Tanghou Tolsawlou ni masa ni’n nuazuite Jesu kungah ahingpei ua, “Peisan pawi ann kuong heisung ah bawl uleng na ut ei?” chin adongta uhi. Aman akung uah, “Khopi sunga pasal khat kungah vapei unlen akungah, Siepipa’n kahun anaita, ka nuazuite toh Peisan pawi na innah bawl va ung, vachi un,” achi hi. Jesu’n akung ua agen mabangin nuazuiten avagenta ua, tuanah amauten Peisan pawi asiemta uhi. Judas in Jesu matsah dinga alamkai ding Jesu’n agenkholna Nitah ahitah in anuazui sawmle- nite toh annkuong a iim ua, a neh laitah un, aman akung uah; “Chitah tah in ka hing hilh ahi, Na lah ua khat in kei ahing mansah ding hi,” achita hi. Amaute alungkhamta ua, khakhat in Jesu kungah; “Topa kei ka mah?” achita uhi. Aman akung uah; “Annkuong ka sawhpipa’n ahing mansah ding hi. Mihing Tapa akungtung thu akigel bangin agamta ding hi, hinanleh Mihing Tapa man sah dingpa avang sie ahi.’ Tuapa dingin na pienda leh ahoijo ding hi,” achi hi. Ama mansahpa Judas in, “Siepa, kei kamah?”achi leh Jesu’n akungah, “Na genjouta hi,” achi hi.
