John 10:31-42
Khumin Jiuten ase nading un suong atawmta uhi. Jesu’n akung uah, “Pa akipat a hing pieng nasep hoitahte hing ensah inga, tuajieh a suonga nahing se ding uh amah?” chin adawng hi. Jiuten akungah, “Nasep hoi jieh a kahingse sawm uh ahisih a, mihing hinapi a, Pasian banga nakibawl a, Pasian min nagensiet jieh a kahing se sawm uh ahibou hi,” chin adawng uhi. Jesu’n adawng a “Na danbu uah, Pasiente nahi uhi, kachi hi chia kigiel hilou amah?’ Pasian thu tunnate kunga pasiente nahi uh achileh (Laisiengthou suh sietthei ahi sih hi), Ken Pasian tapa kahi kachi jieh a, Pasian in anaseem dinga asiensuo leitunga ahing sawlpa tunga ‘Pasian na gensie hi,’ nachi uh ahi? Ken kapa nasepte seemlou kahileh hing gintaatda mai un, Hinanleh ken tuate kasep a, nahing gintaattheisih uleh naa kiseemte beh gingta un, tuachin Pa keima ah aum a, kei zong pa ah ka um hi chi natheithei ding uhi.” Tuachin mat asawm ua, hinanleh akhut uapat in apiitta hi. Khumin John in achiil a baptis abawlna Jordan gaallam ah apeikia a, tuanah aumta hi. Tualeh akungah mi tampi khat ahingpei ua, amauten akungah, John in sil lamdang bangma abawlsih a, hinanleh sil jousie John in akung tungthu agentapou adih mama hi,” achi uhi. Tuachin khum mun ah mi tampi’n agingta uhi.
