John 8: 51-59
Dihtah in nakung uah kahing gen hi, kathu avomkha pouma ashi ngainawn sih ding hi,” achi hi. Jiuten akung ah, “Dawi lawm nei nahi chi tu’n kathei uhi. Abraham ashita a, guolnei te zong ashita uhi; tu’n nang ‘Ka thu akeem kha pouma aumleh ashi ngainawn sih ding hi,” nachi hi. Ashisa ka pa uh Abraham sanga thupizaw namah? Guolneite zong lah ashita un!“Nang koi a kigen nahiei?” achi uhi. Jesu’n, “Kei leh kei kitawisaang leng ka kitawisaanna bangma phatuomlou hi;kei hing tawi saangpa khu ama na Pasian uh ahi nachipa uh, ka pa ahi hi. Keipen in ama kathei a, nouten ahileh ama natheisih uhi. Ken ama thei sing chitaleng noute banga mizuou hi ding kahi, hinanleh ken ama kathei a, athu kanit zing hi. Napu uh Abraham in kahingpei ni ding ana mu akipahpi a, mu zong amu peetma a, akipah mama hi,” chin Jesu’n adawng hi. Tuajouin, Jiuten “Kum sawmnga zong hinailou in Abraham namu ding amah?” achi uhi. Jesu’n akung uah, “Abraham um masanga um kahitabou hi chi thudihtah kahing hil nahi uhi,” achi hi. Tualeh ase na dingin suong ala ua, hinanleh Jesu akibu a, biehinn akipat in apawtdohta hi.
