JOHN 8:1-11
Numei aangkawm
Jesu Oliv Muol lam ah apeitou hi. Zingmawng matah in biehinn ah ahingpeikia a, mipi jousie amakungah ahingpei ua, tuachin atou a, amaute ahilta hi, Laigielte leh Pharisaiten a aangkawm laitah a amat uh numei khat ahing pui ua, alaikim uah adingsah uhi. Khumin akungah, “Siepa aw, tam numeinu a aangkawm laitah a kamat uh ahi. Danbu ah Mousi’n tam bangte suonga selup ding in thu ahing pie hi. Atung thu ah bang ahiei nagen ding?” achi uhi. Tami thupen atunga bang ahiei khat mawsietna amuthei nading ua, aze-et nading ua agen uh ahi. Hinanleh Jesu atousuh a, a khutme in tuol ah lai agiel hi. Tuachin adoh chieng un, adingkhie a, akung uah, “Na lah ua mawna neivawtlou pen in amanu suong in sep masa hen,” achi hi. Tuachin atousuh kia a, akhutme in tuol ah agielkia hi. Hinanleh athu azaah chieng un, a upapen apat khat khat in apeimangta uhi; tuachin Jesu leh amasanga ding numeinu toh nuasie in aum uhi. Jesu’n a en a akungah, “Numei aw, amaute heia umsieng ahita uoi? Koiman siemmaw hing tangsahlou ata amah?” achi hi. Amanu’n akungah, “Topa koiman siemmaw hing tangsah sih,” achi hi. Tualeh Jesu’n akungah, “Ken zong siemmaw hing tangsah sing, pei inlen mawna bawl nawnsin,” achi hi.
