John 7:1-2, 10, 25-30
Tuajouin, Jesu Galili gam ah avaahkawi kawia, Jiute’n tha ding a asui jieh un Judea gam avapha nonsih hi. Tualeh Jiute Haampheng pawi bawl nading anaita hi. Hinanleh a-unaute pawi a ahawtou zou un, ama zong mipi thei a hawlou in aguuh in ava hawtou hi. Jerusalem mi pawlkhat in“Tampa hilou amah tha dinga asui sui uh; Ama lah tanah aum a, haangsantah in thu akigen vazuou in, tuachin akungah lah bangma agensih un! Vaihawmten tami Khrist ahi tahtah hi chi athei uh amah? Tampa pen apienna ithei vele hinanleh Khrist pen ahing kilah hun chieng in koiman ahing pienna lam theilou ding ahi,” achi uhi. Jesu’n biehinn sunga thu ahil kawm in, ‘Nouten kei hing thei uteh, ka pienna zong thei uteh, hinanleh keipen keima thu a hingpei kahisih a, ahing sawlpa athudih a, nouten ama natheisih uhi. Aman kei ahing sawl a, ama apat a hingpei ka hijieh in, ama kathei hi,” chin akikoukheta hi. Tuachin mat dingin asui ua, ahun atun nailou jieh in koiman atungah khut ahathei sih uhi.
