Matthew 21: 33-43, 45-46
Leengga huon gentena
“Gente thudang khat ngaikhie un. Inn[1]neipa khat aum a, aman leengga huon abawl a, akiimkot pal in a iim a, leengga suuhna khuuh atou a, tualeh innkhan saangkhat alam a, gam tuom ah apeisanta hi. Aga law hun ding in, agalou dingin asuohte asawlta hi. Tualeh huon bawlten asuohte anaman ua, khat avuo ua, khat athat ua, adangkhat suong in aseplum uhi. Suoh masate saang a tamjaw asawl kia a, amaute tungah zong amasate abawl bang un anabawlkiata uhi. Tua jou in, ‘Ka tapa jataat nava uh’ chin atapa akung uah asawlta hi. Hinanleh louhoute’n atapa amu chieng un, ‘Tampa khu gamluo dingpa ahi, that vai in, agamluo dingte kilah vai,’ akichi uhi. Tualeh ama aman ua, leengga huon akipat ajawpi ua, athatta uhi. Tuachin lengga huon neipa ahing pei chiengin tua lou keemte tungah bang lawva nachi uoi?” achi hi. Amauten akungah; “Tua migiloute shigentheitah in athat siengta ding hi; leengga huon pen aga hun chienga aga pethei dingte ahousah ding hi,” achi uhi. Jesu’n akung uah: “Innlamten deilou a aning koi uh suong pen aphatuom pen in ahing pangta hi, tua pen Topa silbawl ahia, Imitmu in alamdang hi,’ kichi laisiengthou simkhalou nahi uh amah? Tuajiehin Pasian gam khu na kung uapat in ahing kilaah pieh dinga, agasuo ding namte kungah aki peta ding hi, chi kahing hil ahi;
Tualeh siempuliente leh Pharisaiten tua gentena thu ajaah chieng un, amaute tungtaang agen ahi chi atheita uhi, Hinanleh amauten ama mat asawm ua, mipiten Jesu guolnei khat a angai jieh un mipite agiing ua aman nonsih uhi.
