Matthew 23: 1-12
Jesu’n Laigielte leh Pharisaite ademna
Tuajouin, Jesu’n mipite leh ama nuazuite kungah, thu agena, “Laigielte leh Pharisaite Mousi tounah atou ua, tuajieh in ahing thupiehte uh bawl unlen, jui un, hinanleh amau gamtat bangin gamta sih un; mite thu ahil ua, hinanleh amauten ajuisih uhi. Van gih atun ua, midangte apat ua, amauten lah akhutme unzong akhoi nuom sih uhi. Asilbawlte uh midangte muding in abawl ua, asilbawl uleh athu kepbawmte (q) uh aliensah ua, apuonte uh asausah uhi. Annzaluina ah mun hoipen leh kikhopna inn a touna nuompen, vanzuana muna midangten rabbi (r) achi ding adei uhi. Noute pen rabbi chiding in umsih un, na siepa uh khat maimai ahia, noute u-le-nau chiet na hi uhi. Leitung ah koima pa chisih un, van a um Pa khat maimai nei nahi uhi. Koiman lamkaipute kichi sah sih unlen, lamkaipu khat maimai nanei uhi, tuami khu Khrist ahi. * Nalah ua lienpenpa na suoh un apang ding hi. Koi hinanleh akiliensah pouma aneu dinga, akingiemkhieh pouma tawisaang in aum ding hi.
