Matthew 17: 1-9
Jesu meel lamdanna
Tualeh ni guh nua in, Jesu’n Peter, James leh asanggampa John atuom in ajawpi a muoldawn saangkhat ah apeitoupita hi. Tualeh amasang uah amaisuo akihengta hi: Amai ni bangin ataanga apuonsilte vua bangin ahing vaamta hi. Khumin en in, Mousi leh Elijah ama toh kihou dingin akung uah ahing kilaah uhi. Khumin Peter in Jesu ahoupi a, “Topa eite dingin tana um ahoi hi: na ut uleh tanah buuh thum lam vai in, nang dingin khat Mousi dingin khat tualeh Elijah dingin khat,” achi hi. Agenlaitah in, en in, meilum in amaute ahing tuom a, ngai in, meilum lah a aw khat in; “Tami ka Tapa deipen ka lungdamna mama ahi, athugente jui un,” achi hi. Tualeh nuazuiten tuapen ajaahtah un, akhupboh ua achijata uhi. Hinanleh Jesu ahing peia amaute ahing tham a, “Thou unlen zausih un,” achi hi. Tualeh adah uleh koima dang amusih ua, Jesu maimai amuta uhi. Elijah tungtaang thukidohna Muol dawn akipat a akumsuh un, Jesu’n akung uah: “Mihing Tapa mishi lah akipat a athaw masangsien na mangmute uh koima hil sih un,” chin athuhilta hi.
