Matthew 5: 43-48
Melmate it ding thu
“‘Naveengte it inlen, na gaalte muda in’, akichi zong najata uhi. Kahing hil ahi: Na gaalte uh it unlen, ahing gawtte thu ngetpieh un. Van a um na Pa uh tate nahithei nading un. Aman migiloute leh mi dihtatte tungah ni asuohsah a, midihtat leh midihtatloute tungah zong guo azusah veve hi. Nou hing itte maimai na it uleh bang nuomman namu ding uoi? Siedongten zong khum bangin abawl uh hilou amah? Tualeh na sanggamte maimai na jataat uleh na tam septuonna uh bang aum ei? Jentelten zong tua bangin bawl jeel uh hilou amah? Tuachin van a um na Pa uh ahoi bukim mabangin, noute zong na hoi bukim ding uh ahi.
