Matthew 6: 7-15
Thuum ding dan - Topa Thungetna
“Thu nanget chiengin Jentelte bangin thu ginaloute baan gen sih un. Akamtam man ua jaah hideu dingin angaisut uhi. Tuajieh in amaute bangin umsih un, akunga na nget masang un, na Pa un nou taahsapnate atheijouta hi. Tuachieng in tambangin thungen un: “Ka Pa uh van a um, Na min kijataat hen, Na gam hing tungta hen. Na deilam van a akibawl bangin, lei ah zong kibawlta hen. Nisim a ka nehkhop ding uh ann hing pien; Ka leibate uh ka ngaidam bang un, nang zong ka leibatte uh hing ngaidam in; solna’h hing luutsah sinlen, sietna apat in hing hunkhie in.” Mite tatkhelna na ngaidam uleh, na Pa uh van a um in, nou zong ahing ngaidam ding hi. Hinanleh mite tatkhelna na ngaidam sih uleh, na Pa un nouma tatkhelna zong hing ngaidam lou ding ahi.
