Matthew 4:1-11
Jesu kisolna
Tualeh Jesu dawimangpa solding in Hagau in gamsip ah ajawpita hi. Tualeh ni sawmli leh zan sawmli ann angawl nua in, agil akielta hi. Ama soldingpa akung ah ahing pei a, “Nang Pasian Tapa nahileh tam suongte thu pienlen, tanghou suohsah in,” achi hi. Hinanleh aman adawnga: “Mihing tanghou guoh in ahing sih ding hi, Pasian kam sung apat a thu hing pawt pouma in ahing jo ding hi, chin akigiel hi,” achita hi. Tuajouin, dawimangpa’n ama khopi siengthou ah apuiluut a, Pasian bieh inn khumvum ah akoi a, akungah: “Pasian Tapa nahileh tana kipat diengkhe suh in; ‘Aman a vansawlsiengten nang ahing chingsah dinga, akhut tung uah nang ahing na domtou ding uhi, tua ahilouleh na keeng in suong khat suikha vateh’ chin akigieljouta hi,” achi hi. Jesu’n akungah: “Topa na Pasian ze-et sin, chin akigiel kia hi,” achi h. Dawimangpa’n amapa muolsaang khat tunga atuttou kia a, leitunga kumpite gam jousie leh avangletna jousie a ensah hi. Tuachin Aman akungah: “Khupboh a nahing biehleh tamte jousie nang ka hingpe ding hi,” achi hi. Tualeh Jesu’n ama kungah agen a: “Setan peikhie in!. “Topa na Pasian bie inlen, tualeh amadeilam maimai nasep ding ahi, chin akigiel hi.’ “ Tuajouin, dawimangpa’n ama anuasieta hi, tualeh ngai in, vansawlsiengte ahing pei ua azenta uhi.
