Luke 9:22-25
“Mihing Tapa in thuohgimna tampi athuoh dinga, upate, siempuliente leh laigielten deisih va un, tualeh that va un, ani thumni in athou ding hi,” achi hi. Tuachin mijousie kungah Jesu’n, “Koipou in ka nua ahing zui nuom leh ama gimthuoh phamaw salou in, nichin in a singlamte kipuoh in hing zui hen. Ajiehpen koi hinanleh a hinna humbit tapou in mansuo van, kei jieh a ahinna taan tapou in ahundoh ding hi. Mi khat in leitung pumpi nei henlen a hinna taantaleh ama dingin bang aphatuom diei?
