Mark 8: 14-21
Nuazuiten atheitheilou jieh ua aphawhna
Tualeh amauten tanghou puoh ding amangngil ua, gunkuong sungah tanghou khat maimai aneita uhi. Khumin aman, “Lunggeel unlen, Pharisaite tol leh Herod tol apat in kiveeng unlen, pilvangtah in um un,” achi hi. Tualeh amauten “Tanghou ineisih uhi,” chin khat-le-khat akihou uhi. Tualeh athei jieh in Jesu’n akung uah, “Bangdinga tang hou naneilou jieh ua kikum nahi uoi? Na lungtang ua luutlou a, theichien nailou nahi uh amah? Na lungtang uh suong banga taah ahiei? Mit nei napi a mulou a, bil neinapi a zalou nahi uh amah? Tualeh na mangngil gawpta uh amah? Mi tul nga dinga tanghou nga ka balkeeh in, avaal seu bangza nakhawm uoi?” achi a amauten akungah, “Sawmleni,” achi uhi. Tualeh, “Tanghou sagi mi tul li a dingin avaal seu bangza na khawm uoi? Tualeh amauten akungah, “Sagi” achi uhi. Khumin aman akung uah, “Tua tan a zong theisiem nailou nahi uh amah?” achi hi.
