Mark 8: 1-10
Jesu’n mi tul li avana
Tua hunlai in, mi tampi ahing kikhawm ua, bangma nehding aneisih uhi. Anuazuite ahaan a, akung uah, “Mipite ka khotuo mama hi. Ajiehpen nithum kakunga um ahita ua, bangma neh ding aneisih uhi. Tualeh amaute gilkiel in a inn uah sawl leng lampi ah abasam kha ding uhi. Ajiehpen khenkhat gamlapi a patsa hingpei uh ahi. Anuazuiten akungah, “Tam gamgaw laitah ah, koi in mi hizapi avaazou diei?” achi uhi. Tualeh Jesu’n akung uah, “Tanghou bangza nanei uoi?” chin adonga, amauten “Sagi,” achi uhi. Tualeh aman, “Mipite tuol ah tousah un” chin thu apie hi: Tualeh aman tanghou sagi ala a, thupha apiehzou in, abalneen a, nuazuite kungah, “Mipite hawmpieh un” chin apie hi. Tuachin amauten mipite kungah ahawm uhi. Tualeh amauten nganeu themkhat anei ua, thupha apiehzou in, tua zong mipite kunga hawm dingin apie hi. Tualeh gilvatah in anechiet uhi. Avaal nengte akhop uleh seu sagi adim hi. Tua mun ah mi tul li apha uhi. Tuazouin, amaute apeisahta hi. Mipite peizou in, gunkuongah anuazuite toh atuong ua, Dalmanutha gam ah apeita uhi.
