Mark 7:31-37
Jesu’n bilbing leh haamtheiloupa adamsahna
Tualeh Tai-ar gam apat in ahing kile a, Galili Tuipi zuon in Sidon ahing zawt suh a, tualeh Dekapolis zong ahing zawt suh hi. Tuachin bilbing leh haamtheilou pasal khat ahing pui ua, tuapa tunga khut ngappieh dingin angen uhi. Khumin mipi lah akipat in atuom ah apeipi a, tualeh abil sungah akhutme aguonga tuachin achilnu in, alei athampiehta hi. Tualeh van lam a entou a, ahing nah khie a, akungah, “Ephphatha,” “Kihong in,” china ahi. Khumin abilte ahing kihawnga, aleiite ahing kiham a, nuomtah in ahing haamtheita hi. Tuachin aman koima kunga genlou dingin thu apie a, hinanleh aha khaam deudeu leh thanuom zoseem in agendoh zaw hi. Tualeh genguollou in lamdang asa ua“Bangma jousie nuomtah a bawlin abilbingte zasah in, ahaamtheiloute ahaamsahthei hi,” achi uhi.
