Mark 7:24-30
Jentel nupinu ginna
Khumin tuanapat in apawt khie a, Tai-ar leh Sidon gamlamah ahingpei hi. Tualeh innsung khat ah aluut a, koima thei ding adeisih a, hinanleh akiseel jousih hi. Tualeh, atanu dawipai a um nupi khat in ama hing tun ana zakha a, hingpei pai in amaiah akhupboh hi. Nupinu khu Greek mi ahia, Siria gamsung Finisia a pieng ahi. Tualeh amanu’n atanu sunga dawite delhdohsah dingin a ngen hi. Khumin aman akungah, “Tate va masah phot ding ahi, ajiehpen tate neh ding lai lahpieh a, uite kunga pieh adih sih hi,” achi hi. Hinanleh amanu’n, “Adih hi Topa aw, hinanleh uiten zong apute ann nehna mun a, akhateneng kie ane uhi,” achi hi. Tualeh Jesu’n akungah, “Tam banga thu nagenthei jieh in, na peitheita ding hi. Dawi in na tanu anuasieta hi.” Tualeh amanu a-inn lamah apei a, a tanu lupna tunga lum amu a, dawi pen ana pawtdohta hi.
