Mark 7:14-23
Mihing buasahtheite
Tualeh mipite akungah ahaankia a, akung uah, “Na unpi un ngai unlen theichiet un: Polam apat a mihing sunga luut bangma khat in zong abuasah sih a, hinanleh mihing sung akipat a hing pawtkhie in abuasah zaw hi,” chin agen hi. “Mi koipou zaah nading bil nei in za heh”, achi hi Tualeh aman mipite nuasie a innsunga aluut chiengin, nuazuiten athugentena pen adong uhi. Aman akung uah, “Nouten zong theilou nahi uh amah? Apolam apat a mihing sunga luut in abuasah sih hi, chi mulou nahi uh amah? Asunga aluut chieng in alungsim a tunglou in, agilpi ah atunga apawt khe kia hi.” (Tuachin aman nehthei jousie asieng hi achi hi). Tualeh aman “Asung apat a hing pawt khie in mihing abuasah zaw hi. Ajiehpen, mihing lungsim sunga hing pawtdoh in, lunggeelna hoilou te, kiteenglou numei-le-pasal mawna, guuhtaatna, tuolthaana, aangkawmna, mi neisa eenna, gitlouna, zuouna, thaangtatna, thaangsietna, migensietna, kiletsahna, mottatnate ahi hi. Tami jousie sung lam a hing kipan khie ahia, mi abuasah hi,” achi hi.
