,
Mark 6:30-34
Nuazuite hingkilena
Khumin nuazuite Jesu kungah ahing kile ua, akungah asilbawlte uleh, athuhil dante uh agen uhi. Tualeh aman akung uah, “Munsip khat ah hingpei unlen tomkhat kitawlduo phot un,” ajiehpen mi tampi ann neh ding zong donlou in atung-akuon ahing ki phamat uhi. Khumin amaute gunkuong khat ah atuong ua, munsip khat ah apeita uhi. Khumin mi tampi’n apeidoh uh amu ua, tuami zong athei uhi, tuachin kho jousie apat in mi keeng in ana tai ua, amaute sangin anatung masazaw uhi. Tuipieu ahing tun un mi tampi na um amu a, amaute keelnguoi hon aching ding umloute bang ahijieh un alungsiet mama a, thu tampi ahil panta hi.
