Mark 6:7-13
Nuazui sawmlenite nasepna
Khumin aman sawmlenite ahaan a, akopkop in asawldoh a, dawite delkhiehthei nading thuneina zong apie hi. Aman alampei chieng ua dingin chiengkhut khat loungaal, tanghou, thungpi leh a ip sunga um sumte puohlou dingin agen hi. “Hinanleh keengdap vang bun unlen, puon athuop in silsih un” chin akung uah, “Inn sung khat a naluut chieng un tuami mun na nuasie masang un tua inn ah tung den un, Tualeh heisung hileh zong ahing tunsah utlou ua na thugen uh angai utsih uleh na pawtkhiet chieng un amaute toh kituohlou etsahna’n nakeeng ua leivui baangte thingkhie un,” achi hi. Khumin amaute apawtdoh ua mihingte kisia nading thu agen uhi. Tualeh dawi tampi adeldoh ua, damlou tampite sathau anu ua adamsah uhi.
