Mark 6: 1-6
Nazareth a Jesu anuolna uh
Khumin tuasung apat in ahing pawtdoh a ama gam lamah apeita a, anuazuiten azui uhi. Tualeh khawlni in, kikhopna inn sungah thuhilna aneia, athugente mi tampi’n lamdang asa ua, “Tampan hichibang thute heisunga akilaah adiei? Bang pilna atunga kiguon ata diei? Bangchibang nasepna thupi akhut a akibawl ahi diei? Amapen Mari tapa, James, Joses, Judas leh Simonte sanggam khutsiempa ahi asanggam numeite zong ilah uah um hilou uh amah?” chin bangma’n asimsih uhi. Khumin Jesu’n akung uah, “Guolnei khat ama gam leh ahieng asante lah leh a innsung chilou ngaal ah zataatlou in aum ngaisih hi,” achi hi. Tualeh tua sungah mi damlou pawl khat tunga akhut angap a adamsah chiloungaal sil thupi bangma abawlsih hi. Tualeh agintaatlounate uh jieh in lamdang asa mama a, kho tuomtuom ah thugen in avaah kawi hi.
