Mark 4:35-41
Jesu’n huipi akhawlsahna
Khumni nitah lang ahing hi in, anuazuite kungah, “Gaallang ah peivai,” achi hi. Ama gunkuong sunga umsa ahi mabangin, a nuazui ten mipite nuasie in gunkuong azawpita uhi. Tualeh gunkuong dang zong aum hi. Khumin khopihui ahing laanga, tuikiilten agunkuong uh ahing nawh a, akuong sung uah tui dim dingin akisata hi. Tualeh Jesu gunkuong nualang ah taangkhap khap in a iimu hi. Tualeh anuazuiten aphawng ua, “Siepa aw, ka manthai ding uh khawhsalou nahi amah?” achi uhi. Tualeh ahing thoudoh a, hui khu ahousie a, tuipi kungah, “Dai dide in,” achi hi. Tualeh huipi ahing khawl a adai dideta hi. Anuazuite kungah, “Bangdinga zau nahi uoi? Gintaatna neilou nahi uh amah?” achi hi. Khumin lamdang asa mama ua, khat le-khat akihou ua, “Huipi leh tuipi nasan in athu aman valong, tampa khu koi ahi adiei?” achi uhi.
