Nuazui sawmlenite nasep
Khumin Jesu’n anuazui sawm lenite ahaan khawm a, dawitetunga thuneina leh damlounate damsahthei nading thuneina apie hi. Damloute damsah ding leh Pasian gam thuhil dingin asawl hi. Tualeh Aman akung uah, “Na khuol zinna uah, chiengkhut, sakhau, tanghou, sum leh a dang dang posih unlen, puonsil zong ni keng sih un. Tualeh koi inn hinanleh naluutna pouma uah umden unlen, mun tuom a napei chieng un tua sung ma ah kipandoh un. Tuachin koi khuo hinanleh ahing lamdawnlou uleh tuami khuo na nuasie chieng un ama utoh kituohlou etsahnan na keengtaw ua leivui thingkhie un,” chin thu apie hi. Tuachin amaute akipandohta ua, thuhoi hil in, chinate damsah in khopi leh khoneute ah apei kawikawi uhi.
