Tanchinhoih Luke- 82.
(Text- Luke 18:31-43.)
Huan a vaw ding ua, a that ding uh; ni thum ni’n a thou nawn ding” a chi hi.
Luke 18:33.
I tangvom uh, Jesu'n a sihna leh thohnawnna ding a genkholhna ahi. A thudawng kuitung in- [31] Huan sawm-le-nihte a kiang ah a pituam a, a kiang uah, “Ngai un, Jerusalem khua a hohtou ding i hi ua; Jawlneite thugelh tengteng Mihing Tapa tung ah a tung ding hi. [32] Jentelte kiang ah piak in a om ding a, nuihza-bawlna in a zang ding uh, zumhuaitak in a bawl ding ua, a chilphih ding uhi. [33] Huan a vaw ding ua, a that ding uh; ni thum ni’n a thou nawn ding” a chi hi. Luke 18:31-33.
(1). “Mihing Tapa in thil tampi a thuak dia, upate, siampu liante leh laigelhmite deihlouh in a om dia, thah in a om dia, ni thum ni’n kaihthoh in a om ding” a chi hi. Luke 9:22.
(2). “Hiai thute na bil uah lut hen. Mihing Tapa mihingte khut a matsak a om ding ahi ngal a” a chi hi. Luke 9:44.
Huai Jesu sihna leh thohnawn ding thu, Jawlneite'n ana genkholhsa him uh ahi. [46] Huan a kiang uah, “Hichibang a gelh ahi, Khrist in gim a thuak ding a, ni thum ni’n misi lak a kipan a thounawn ding a chi hi: [47] Amah min in kisikna leh khelh ngaihdamna thu Jerusalem khua apat in namchih kiang ah hilh ahi ding, chi in. [48] Huai thil tengteng a theihpihte na hi uh.
Luke 24:46-48.
Huai Jesu sihna leh thohnawnna tuh Tanchinhoih hi ahi.
[1] Huaiban ah unaute aw, Tanchinhoih k’on hilhzaw k’on theisaknawn ding a; huai Tanchinhoih na kipahpih ua, huai mah ah na ding ua; [2] K’on thuhilh pen na mawk gintak uh hilou a, pom kichian na hih uleh huai mah ah hotdam in na om uhi. [3] A masapen in ken ka muh sam nou k’on hilhsawn a; huchi a, Khrist Laisiangthou bangbang a i khelhnate ziak a a sih a, [4] A vui ua, Laisiangthou bangbang a ni thum ni’n kaihthoh in a om hi. [5] Huan Kifa kiang ah a kilak a, huaikhit a sawm-le-nihte kiang a a kilak thute.
1 Kor 15:1-5.
Practical mahmah ding in, Jeriko khokiang a mittaw hihdamna ah; [42] Jesu’n a kiang ah, “Mutheita in, na ginna dampih na hi” a chi hi. [43] Huan thakhat in a muthei pahta a, Pathian phatkawm zel in Amah a zuita hi; huan mi tengteng in huai a muh un, Pathian a phat uhi. Luke 18:42-43.
Huai mittawpa, Timai tapa Bartimai hidan ahi. [46] Jeriko khua a hong tung uhi; huchi in Jesu Jeriko a kipan a nungzuite leh mipi tampitak toh a pawtlai un khutdoh mittaw, Timai tapa Bartimai lamgei ah a na tu hi. [47] Huan Nazaret Jesu ahi chih a zaktak in, “Jesu, David Tapa, ka tung ah zahngai in” chi in, a kikou hi. Mark 10:46-47.
Hiailou, Jesu'n mittaw a hihdam dangte:
(1). Mittaw nih- Jesu huai a kipan a pai zel a, mittaw nih in, “David Tapa, ka tung uah zahngai in” chi a kikou in a zui uhi. Matt 9:27.
(2). Piantung a mittaw- [6] Huchibanga a genkhit in, lei ah chil a sia a, tungman a bawl a, huan tungman a mit ah a nuh hi. [7] A kiang ah, “Siloam dil ah vasil in” a chi a. “Siloam tuh sawl” chihna ahi. Vapai in a sil a, mitvak in a hong kiknawn hi.
John 9:6-7.
Thusitna di'n, thillamdang a hihte tungtawn in; Jesu'n a thupina langsak ahi. Jesu’n hiai a thillamdang hihpatna Galili gam Kana khua a a hih ahi; A thupina a langsakta a; A nungzuite’n Amah a gingta uhi. John 2:11.
A thillamdang hihte tungtawn a, mite'n Jesu a muhna dan uh- Huai mi zan in Jesu kiang ah a hong a, a kiang ah, “Rabbi, Pathian a kipan hong pai sinsakpa na hi chih ka thei uhi. Pathian na kiang a omlou hileh hiai thillamdang na hihte kuamah in a hih theikei ding” a chi hi. John 3:2.
