Myanmar zilling jieha a shi, a liem leh genthei leh hamsat tuohte dingin tuni St.Thomas Parish, Singngat, Singlamte lamzui thungetna a, Topa Mung makaina in pawlpi mite toh Myanmarte ding thungetna na kinei pie hi .
Yangon Cardinal Charle Bo in leitung a um Catholic pawlpi mite kunga thungetna leh panpina bawl dingin na thum ah tua bang in St. Thomas Parish ,Singngat in *triduum Mass* ( Khollou ni 3 latna siengthou) tuni zingmawng in na pan a zinga jong sutjop kia ding ahi.
Tualeh ni 3 ni Pasian ni (Sunday) chiengin Latna siengthou (Holy Mass) tuam vilvel in pawlpi mite toh neipie ding ahia, tuahuna thohlom ki dong jousie pen Myanmar a Bishopte, Tote, Nganu siengthoute leh Pasian nasemte dingin ki thot sieng ding ahi.
Thu kizahdan in Mandalay Diocese a Bishopa, Tote leh nganu sienthougte umna innpi pen chim sih nanleh innte keh (crack) jiehin um ngamna ahitah sia, tutan amaute pulang huong sunga giah ua,tuabana tuinee hasat dan jong gen uhi.
