Khawvel hi khatvei tawh kidouna kal a aum kia ta hi. Tam kidouna hi tawpsah pei apoimo mama hi.
February 28, 2026 apat US toh Israel inIran adou ua pat ni 5 aching ta a, buaina in phat dom lam mano lou in leitung pumpi asukha mam hi. President Donald trump in United Nation leh adang dang kung a phalna la masa lou in adou masa hi. Gam tuom tuom ten mawpaina nasatah apie uhi.
Sapin Prime Minister Pedro Sanchez in tam gaal bawl mastu hi adih sih chin agen a, Khawvel buaina te khu kikap tuona leh bomb hat tah tah te zah man a buaina veng din ahi sih hi achi hi. UN Secretary-General António Guterres in jong nasatah a adem thu aphuang a thagum a douna in International Peace charter asusie hi, achi hi. International nuai a buaina um te lemna lang a asuhfel lou leh lampi dang kilem na di aum sih hi achi hi.
US leh Israel in gaal abawlna a akap na uah, Iran gam lamkai lienpen pa Ayatollah Ali Khamenei, toh a sepia lamkai lien penpen te tam sim khat in sina atuoh uhi.
Missile zang a akap na uah, Minab a numei naupang Primary school zong asusie hi.mi 150 vel in shina atuoh uami tamtah aliam uhi.
Khawvel mi buaisah tute in angaikhie uai? Tam kidouna koite kidouna ahiei?
Mia sing asang a sim in lampi juina te nei in tam kidouna atawp thei nading in pan ala uhi. Ahivang in Media tam tah alian deu deu ten tam kiphinna bawl te thusuo in anei ut sih ua akitheimaw bol uhi. Amasa a bang in tam kidouna thua tut e ahi leh adieh in mizawnkhal le mi genthei te ahidieh uhi.
Tam kidouna hi koiman zawna atang sih hi. Khawvel a hindan ngai bang leh anop di dan a nop theilou in aum hi. Gamkhat le gamkhat kikawm tuona asubuai mama a, gamsung economy asu ngiam mam hi.
Khutlai le thau siam n ate jong I khualchian angai hi. Kum 1961 in President Dwight D. Eisenhower in sepia industrial complex hatna hing pungjel khu agiih kha a, Corporate leh Military interest ten gamsunga sil kipomo ngaite sulamdang na anei chi agen kha hi.
Pu Pope Francis in zong adamlai in shina tawndan khu nasatah in adoudal hi. Kum 2015 a US congress a athugenna ah bangzieh in e hahsatna hing tun tute kung a gaal van hoitah tah na jua uh ahiei chin adong hi. Lamkai te kung ah galvan zuana bawl te tawpsan ding in angen hi.
Pu Pope LEO XIV in tam kouna hi agen sawn jel ahi. Tunai in Angelus ah thuhah khat agena ah Lemna khu ki suhgenthei na leh galvan te jiah a hing kuan ahisih a, kihoutuoh na leh ki poimo ngaituo chiet na a hing kuon ahijo hi.
Mahatma Gandhi thugen khat hi kihilsonna ding khat aum jing hi. Tuo pen ahi leh, kile thuhna lungel in khovel asuthelthang leitung pumpi mitaw abang sah hi. Kum 1969 in John Lenon in “kilemna kotkhah hong un” achi hi.
Gaal ahile akinthei lam a tawpsan apoimo hi.
Kilemna hi hatlou etsahna ahisih a, tha angpe tu ahi. Mailam son na ding lampi um sun ahi.
I bawlkhial te uh kinual kiatheilou hun ang hi masang in gaal bawl hi itopsan ding ua, Tu mama in nang leh kei in pan la in ikipan pei ding uhi
