Filipino bishop Alminaza in Corpus Christi Jesu si leh sa pawi nia hunpi a athugenna ah Isarel a kilemna a un nadingin ngetna anei a, kibahlouna te sang in kikhotuona nei jo vai achi hi.
“Kilemna kichi hi gaal umlouna maimai ahisih a, thudih leh mihing hina dihtah a hinkuo man ding ahi jo hi,” chi’n San Carlos Bishop Gerardo Alminaza in agen hi.
June 22 nia pastoral letter agielna ah, Gaalpi 2 laia hitler in ana tha chimit nate uh alung ua puojing Israel in tutung Israeli-Palestinian buoina a etlou dan uh atalah hi.
“Mudana thuoh sa leh aha na thei sate’n bang chi banga mi amuda thei uh ahiei? Nidang laia gentheina naki thuoh te bang chi dan a tukhanga gitlouna ang suoh kia thei ahi e?” chi’n bishop in agen hi.
Bishop Alminaza in tami buoina top nadingin gam uhte, thuneite leh gamsung lamkaite maimai poimaw ahisih a Jewish mite jong poimaw ahi achi hi.
Bishop Alminaza in “Siengthou pumpi in pawlpi mite akipumkhat sah nate agen a, “Siengthou pumpi ah Khrist maimai kunga ki ap ihi sih ua, mihing ihi na ua khat leh khat kunga jong innkuon khat ihi uh ahi”, chi’n alai ah agiel hi.
“Kilemna tahtah hatna toh apieng sih dinga tualeh thudihna hi bang leh hiem leh thal tea pat apeing sih ding hi, mihing ihi na uh theichienna leh kikhotuona te apat in apieng jo hi,” chi’n agen hi.
