Pope Francis in adam laia khuo leh hui adinga pan ana la nadinga ana phudoh Laudato Si’ kum 10 achinna toh Pope Francis si ang kituo hi. Ama vaihawmna toh Catholic pawlpi in Leitung leh khuo leh hui adigna pan lana tampi ana nei hi.
Tami laibu Laudato Si’ kichi hi May 2015 in aki release a, tualeh tami laibu in leitung pumpi khuo leh hui tungtang ah aw anei mama hi.
Ama vaihawmna toh Leitunga pawlpi milien milalte akikuppi a khuo leh hui kikheldan tungtang ana kikuppi hi. Pope gendan in khuo leh hui kikhelna in migenthei, miliengvai, anela, atala te’n athuola jo sem hi achi hi.
“Ei leitung mite etlawm mikhat a um hi, ama ahileh St. Francis of Assisi ahi. Khuo leh hui leh tui tualeh tungleng vate, sa leh ngate ana iitna te athupi mama Leitung iit leh leitunga um ganhingte leh khuo leh hui a iitdan eite dinga etlawm ahi,” achi hi.
Leitung hi I inn ahi, nang leh keia ahi tuajie in leitung kem ding nang leh kei ihi, leitung hi kemhoi leh leitung iit te hivai tualeh leitung i iitna belap vai chi’n jong chielna ana nei hi.
Pope Francis thuhilte leh vaihawmnate’n pawlpi in mihing leh asiempa kikal theisiemna akilangsah hi.
Bishop Allwyn D’Silva chairman of the Office of Human Development, Federation of Asian Bishops’ Conferences in athugenna ah, “Pope Francis in ana gen khuo leh hui kikhelna hi migenthei, miliengvai, anela, atala te’n athuola jo sem hi achi khu ‘Leitung kaana khu migentheite kaana ahi’ achi na ah ithei chien mama uhi,” chi’n agen hi.
Translated by: William Zo
