Vatican official in Digital Missionaries Assembly ah telte kunga Influence maimai hilou in, communion natah in sem vai chin tangkou
Digital Missionaries Assembly ah speaker apang Vatican official Dr. Natasa Govekar in hing kikhawmte kunga social media Online ah minthanna leh follower buaipi masalou in, Pawlpi ding jaw in adieh in communion leh Pawlpi tasanna pah phuangza in pahtawi vai chin gen hi.
Dr. Natasa in genna ah social media ah Christian jousie follower haute maimai in content siem ding ahi sih ah, mi jousie in kisiem thei a, Pasian thupha phuangza thei ngen ahia, tuajiehin koipou in content siem chiet in Pawlpi thuhoi, thupha phuangza thei ahi chin gen hi.
Tualeh eite jousie pen semkhawm thei, kalsuan khawm thei ngen ihina ah, koima ki ngansie lou in kalsuan khawm vai, semkhawm vai in Pawlpi thuhoi, thuphate phuongza vai chin hanthawn hi.
Tulai technology, AI leh adangdang nasatah in khantou tamaleh jong communication ah mihing lungsim theina pen AI leh technology Sangin dei huaisah dan gen hi.
Govekar in genna ah Vatican Dicastery in Pawlpi tasanna leh communication lamtoh kisai in leitung bup ah, kum 35 nuai ah upa te mi 16 communication lam ah lha-11 tah training online tungtawn in ki pie in amauten catholic communication toh kisai in nasem in minthang na ding hilou in leitunga Pawlpite thu tangkou in, catholic thu leh laa phuongza uhi. Tualeh amaute ahing siemna apan in khangthate communication toh kisai in thuhilna, jilna neisa jel uhi chin theisa hi.
Tamte en kom in catholic khangthate kunga tambang communication lam jilna leh siemna lama napitah pin anlah dingin chiel in hichin gen hi, ‘’sil khat I bawl leh minthanna hilou in social media lama Pawlpi khantou dinga amauten thuhoi thupha mailam aphuongza tawntung ding uh lam-etna lienpi nei hi’’ chin gen hi.
