Apeisa 5 January, 2025 nia Pope in Vatican Khuopi a thu agenna ah tutung Jubilee Kum in Hinna Pom vai chi'n mipi mai ah thu agen hi. 'Hinna Pom vai' akhietna pen, nu laigil a nau sumangsih vai in, hingsah vai china ahi. Tualeh iunsiengpi un Kinepna Thuphuongte hivai chi in zong mipi ahantawh gige hi.
Tulai tah in Vatican Khuopi ah Pope thugen ngai dingin zinna siengthou bawl Katholik Pawlpi mi tamtah akikhawm panta ua, mun tuomtuom ah thu angen uhi. "Pilgrims of Hope" kichi tutung Jubilee a Thului (Theme) ahia, Pope Francis in khuolzin mi ihi uhi, tuajieh in KINEPNA toh zinkhawm vai achi hi.
"Genthei mite dingin ikot uh hong vai, ngaidamna pie dingin inzong ikot uh hong vai tualeh hepina pie dingin ilung kot uh honsa in koi vai" chi'n mipite thu ahil ahi.
Tualeh eite'n hinna pom vai in, leitungah khuovah hawm vai in miel in kijousahsih vai chi'n agen hi. Atawph ah "Mari panpina ngen chiet vai in Mary in Jesu kungah kipuisah vai" achi hi.
