Pawlpi kalsuon khawmna pen Lametna toh kal suonkhawmna ahi chin, Cardinal Kikuchi in agen hi.
Pawlpi kalsuon khawmna pen athu mai a Hattuom vai ahisih a, pawlpi sung a khat leh khat kingaisahna ahi, Cardinal Tarcisio Isao Kikuchi, Archbishop of Tokyo leh Lai aatpi (Secretary General ) Federation of Asian Bishops Conference (FABC) ah 12th FABC Plenary Assembly July 20 a athugenna ahi.
Cardinal Kikuchi in FABC Plenary Assembly Jakarta a July 20 – 26 a athugenna a Thulu, “ Pawlpi kisiamthana ding a hatna leh Lei dohding leh bawltu ding a Asia gambup a sawlna ahi.
Indonesia Flores Island a Ende khota khat Cardinal Kikuchi in tunai a avehna Hattuom Pawlpi Kivaipuohna sung a kalsuon dingdan tam bangin agen hi.
“ Lametna khu bang ahiai khat ilei ahilouleh ipia bang ahisih hi. Lametna khu chitahtah a midangte ngaisahna ahi,” chin Cardinal Kikuchi in Pasian thu agenna a agen hi.
Cardinal Kikuchi in khota a teeng miten Leihoina jang lou a haichi abawlna ua, kipahna, zatat huaina, kipanpi tuohna in kingakna tawp aneisih hi. Caritas Internationalis a President ahina a, aman leitung a mihing hina leh khantouna ding tup leh ngim in anei hi. Ende a pawlpi mawl liliaite sawt daihding in amu hi.
Aman kei a ding in pawlpi kalsuonna akichian mah mah hi. Tami pen ngaidan mai hilou in, pawlpite kalsuon khawmna, khat leh khat kitawsawn na leh Lametna Khanna ahi achi hi.
Cardinal Kikuchi in agenna a, Pawlpi nasep ding pen khu kisinsahna mun ahilouleh Tampi piangsahna jiah ahisih a, hinanleh pawlpi mite khat leh khat kithuohkhawm a, panpih ngaite panpi ahi.
Cardinal Kikuchi in “ Khatvei thu in leitung pen iheng danglam jousih ding hi. Mipite khat leh khat kipanpi na toh mipi vantang tung a ipan ding uhi. Lametna ahing khang a, tuachin Hattuomte pen Pawlpi kalsuon khawmna atheipitu ahi ding uhi.
Latna Siengthou nitah 6:00 in akipan a Cardinal Kikuchi mapuitu in apang hi. Archbishop Francis Xavier Vira, Bangkok, Thailand leh Bishop Leandro Maria Alves Baucau, Tomor-Leste, akithuopih uhi.
Latna Siengthou a mi 200 aval ua tuate lah a Cardinalte, Bishopte, Siempute, Tangval Siengthoute, mipi palaite, vaihawmtute, tualeh Asia gambup a mikhuolte apang uhi. Cardinal Ignitius Suharyo Archbishop of Jakarta, leh Bishop Antonius Subianto Bunjamin, OSC President of the Catholic Bishops Conference of Indonesia te jong apang uhi.
Assembly thulu genchianna toh, Cardinal Kikuchi in ang paikhawmte a hanthawn a, thungetna, kitheisiamna, thu kikupna ten Asia gambuppi a Hattuom pawlpite kisiamthana sawt daihding in ahanthawn hi.
Aman khatvei thu in leitung pumpi pen iheng danglam zousih ding uhi. Khat leh khat kipanpina toh mivantang a ipan ding ua, tuachin Lametna a khang ding a, tuachin pawlpi kalsuon khawmna pen Hattuomte a theipitu ahi ding uhi achi hi.
Ama thugenten Asia gambup a Hattuomte ahasot mahmah a, Pawlpi kalsuon khawmna apawm ua, kipawl khawmna ahatsah a, Pasian thugen ding a sawlkhiat nalam a lei dohtu in apang ua, tawndan toh kisai, biahna toh kisai, leh khotang hinkhuo atuom tuom a omna in asawt daihding kisiamthana Asia gambup a tuolsung Hattuomte tung a ahing tut ding hi chin athugen atawp hi.
