Papua New Guinea in Tothum Pasian Pawi leh Missionaries of Charity te kum 50 achinna uh lawm
Papua New Guinea a Katholik pawlpite’n apeisa Nipi ni’n Pawi 2 alawm uhi: Tothum Pasian Pawi leh agam ua Missionaries of Charity te kum 50 achinna Golden Jubilee Pawi alawm uhi.
Tami Pawi hi Hanuabada, Port Moresby a St Michael's Parish a kimang ahia, Tualeh Apostolic Nuncio to Papua New Guinea and the Solomon Islands adinga kitel tha Archbishop Maurizio Bravio lamkaina neia kibawl ahi. Tami Pawi ah Pasian nasem, Tote leh Pawlpi mi muntuom tuom pan leh Archdiocese sung pan in ahing kikhawm uhi.
Hunpi a athugenna ah Archbishop Bravio in Tothum Pasian bangin Missionaries of Charity te’n Papua New Guinea a kum 50 sung anasep na uah itna, kipumkhatna leh hatna a ensah uhi chi’n agen hi.
St. Teresa of Calcutta in ana phudoh tam ngahnu siengthoute Papua New Guinea ah 1975 kum a agam un zalenna anga jou in ana tung uhi.
Tuajou a kipat in Lae, Mount Hagen, Aitape, leh Alotau munt e ah migentheite leh ane la ata la te panpi in a um uhi. Tambangin mitampi in ana phattuom pi mama hi.
Cardinal John Ribat in Pawlpi kipahna thu agen a, “Kum 50 sung migentheite leh manghil a um mite adingin na nasem ua tuama bangin na naspete uh pan in amaute tungah hatna napie uhi.”
Sister M. Calista MC in tam ngahnu siengthoute Port Moresby a ang pei ua Pasain hatna aw ana ngadan hichi’n agen hi, “Amaute ah Topa Jesu kamu hi,” achi hi. Mi tampi hinkhuo asukha uhi. Phah veite asil ua, agil kielte ann apie ua tualeh amatang a shi dingte khut atu uhi. Tuami akipat in ka hinsunga tambang sem dingin kana kipumpieh hi.”
Tuajou in Pope Leo XIV lai hah Nuncio’s secretary in simkhietna anei a, Pu Pope thupha leh thungetna te Phuong in. Pope in Missionaries of Charity te’n Papua New Guinea a pawlpi adinga St. Teresa of Calcutta banga kingiemkhietna toh anasepna te uh athei pieh hi.
“Pope in kum 50 sung Papua New Guinea a na nasep te uh tungah kipah thu ang tut hi. Tothum Pasian itna in na nasepnate uah nang panpi tawntung uhen len i sanggampa i sanggamnu agenthei penpen te tunga na nasepna te tungah hing panpi zing tahen,” chi’n aki giel hi.
Translated By: William Zo
