Na hina tatah Digital ah talang sin chin Korean Media lang siem khat in Digital Missionary Assembly kipan kuan in gen.
Catholic Khangthate’n minthanna leh followers tamding dei man in na hina tatah digital ah va talang sin chin South Korea pan Asian Catholic Digital Missionary ah vatel dinga kalsuan khat in gen hi.
Dr. Anna Jihyun Journalist leh Social communication kunglui mama khat in, Pawlpiten Digital Mission ah nasatah in khangthate chil in uhenlen ahina uh leh mihing kinem khietna nei theina dingun tangkou uhen chin gen hi.
Asian Catholic Digital Missionary Khawmpi adingin ‘’Influencers to Eitnesses : Synodal way for Digital Mission’’ chin thupi mangun September 10-13 tan dingin Radio Veritas Asia Munpi, Manila khuopi ah nei in um a, tuana Asia gamkai ah Catholic sunga social media lunglutna nei mi 100 bang kikhawm ding ua, amaute’n digital pan in Pawlpi thu , Pasian thu, leh sil hoi dangdangte dihtah a social media ah hing tangkou zing ding uh tupna toh tam Khawmpi kisai ahi.
Dr. Anna in tulai khangtha leh mite tam jaw online zing pen tulai adinga silbuai huai lah khat hitah chin gen khawm in Digital leh social media khu like leh views suina neilou in, amaute sim leh muthei dingin thuhoi thupha leh Pasian thu leh laa phuong zing hi vai chin hanthawn hi.
Dr. Anna in gen kiana ah, Digital missionary ten like, views leh follower tam dingte buaipi jawlou in, Thungetna , thu ngaina leh thuhoi-thupha gen in Pasian kunga mite pui hoi vai chin Digital Missionary te kunga ngetna nei hi.
South Korea ah, internet jang mi 97% pha vaya a, tualah in sethum suo-seni in AI jang tah ua ahin lah Latna siengthou neihun chiengin mi 15.5% jong pha ngailou ahi chin gen in Digital mission poimaw dan gen in tualeh jong Pasian nasem ten Online content sangin tasah ajong mipi thanopnate sep khiet ding jong poimo dan thu phuong hi.
Dr. Anna in hing kikhawm mite kunga ahing tung ding World Youth Day, Seuol 2027, chiengin apoi sim mai2 ah pei hilou in, Asia gamkai ah Pawlpi thu leh tawndawnte apat holy communion tangto in pang teitei vai chin gen hi.
Asian Catholic Dgital Mission doi-le-tup pen ahileh mipite umna mun jousie ah Pasian thu, Pawlpi thu leh thuhoi thupha phuongza tuha pang dinga deisa ahi chin tammi thugen toh Dr. Anna in thugen tawp hi.
