Misereor in FABC te kunga catholic Pawlpi in mizong-mingaute panpi ding leh Khuo leh hui siemhoi ah panlah dingin chiel hi.
Asia catholic Pawlpi in napitah in mizongte, galtaite leh khuosie jiehin hasatna tuohte tunga nasemna leh panpina lamah na semhoi dingin Fr. Dr. Andreas Frick, President Misereor in FABC Khawmpi thugenna ah chielna bawl a, tuanah aman Asia Bishop, siempu leh Pawlpi lamkaite’n kilemna tangkou ding, thudih dinpi ding ,khuo leh hui kepbitna dingin tangkou zing dingin catholic pawlpite hanthawn hi.
Fr. Andreas in talatna ah Misereor pen German gampan ahia, tu’in gam 83 ah catholic biehinn leh schoolte khantouna ding leh mizongte panpina tuomtuom dingin projects 3000 val bawl ua, tuate panpinate muntah tungtheina dingin, agam, agam ah organization 1600 toh kikhut jop uhi .
Fr. Andreas in kum 2 sung Misereor semna ah, bang chi’n Pawlpi in tuni leh zinga hingtung ding silte a bang chi panlah diei ? chi ama ngaituohna nei kawm in FABC te jong tam ngaituohna nei zing dingin hanthawn hi.
Misereor in kum 60 val nasem ua, tangpi’n gamdang ah mizongte, mi bangloute dingin panpina leh Pawlpi zongkhalte dingin panpina bawl zingua, tua banah mizongte dingin Kumpi pan panpina atang ding lomte jong buaipi jel ua, mibanglou leh miphaloute dopkang jong khu Pasian nasem lah khat ahi chin gen hi.
Tuni apat in pawlpite’n mizongte panpi leh diinpi zing ah ding, kilemna thu leh khuo-le-hui sietna thu nasatah in tangkou dingin ngetna bawl sawnsawn hi.
‘’Synodality hatsa vai ichi leh numeite, khangnoute leh siete jong Pawlpi vai ah thu leh laa kikupna tel sah ding leh vaihawmna pangsah ding ahi’’ chin Fr. Andreas in gen hi.
Fr. Andreas hing kikhawm Bishopte, Father leh kikhawmte kunga mizongte panpi ding, thudih dinpi ding leh khuo leh hui siem hoi dingin ngetna nei in tam toh thugenna tawpsah hi.
