Diocese of Gumla a Chainpur Parish priest Kum 61 a upa Topa Rajat Ekka October 27 ni’n aluong goha sungah asisa’n akimu hi.
Diocese a public relations officer Topa Cyprian Kullu in Matters India toh akiho na ah a dana thu aphuong a, “Topa Ekka hi diocese deaneries a dean panmun luo a om ahi”, chi’n agen hi.
Diocesan official te thuphuon dan in Topa Ekka sidan hi mi’n atha dinga ginmaw ahisih hi.
Apeisa lha khat vel in parish office pan in sum ana kigu a tuami’n topa Ekka lung abuoisah mama hi.
“Sum lakh khat nai [US$1,201] mang ahia mi khenkhat in Topa Ekka agensie ua midinglo ahi chi’n agen uhi. Hinanleh Topa Ekka lung buoisa a aom vangin nisim a anasepte hoitah in abol hi. Koima’n alung buoi dingin zong ginmaw na aki neisih hi”, chi’n Topa Kullu in agen hi.
Parish apan thuphuon dan in October 26 ni apat Topa Ekka akisuimo ta hi.
Nikhat zing ann nedinga apei tah lo zieh in ann huon pa’n asui na ah asisa’n goha sungah amu hi. October 28 ni’n post-mortem zoin akivui hi.
Topa Ekka hi January 27, 1962 kum in Rengnitoli, Jari block ah ana pieng a, April 24, 1993 kum in siempu hina a suhdetna ana nga hi.
2019 kum in dean and parish priest of Chainpur parish dingin ana kitel hi.
