FABC in kikhouna practical roadmap for Synodality dingin theisah chin Bishop Maralit in gen

FABC 12vei toukhawmna ah thu-le-laa tampi genkhawm ding ua, tuana jong Synodality for practical roadmap jong Asia gamkai pumpi juithei ding ah nasatah ah siem ah hia sawtlou in hing ki bawl ding hi chin theisahna Bishop Junie Maralit in gen hi.

Khawmpi ah Cardinal leh Bishop mai2 jong mi 120 bang hingpang ding ua, amaute’n Asia Pawlpi kivaipuona leh tasah leh hagau thu ah mite hing hoi sem touna dingin thu-le-laa tampi kikupna nei ding ua, Synodality jong Asia gamte dinga poimaw Takhat ahi jiehin tammi thu tungtang jong nasietah ah kikupna um ding ahi.

‘’Asia gamkai chi-le-nam tuomtuom tamna ahi jiehin pawlpite’n thungetna nei khawmton ding,  khat leh khat ki thungai ding, khat leh khat nopni-dahni ah kipanpi tuoh a, Pasian thu tangkou khawm ding poimaw mama hi’’ chin Pu Bishop Maralit in gen hi.

FABC Khawmpi umsung July 20-26 khu kal poimaw leh thupitah khat ahia, tamhun ah mailam Pawlpi kalsuon dingdan Cardinal leh Bishop 120 toh milien-milal, misiem, mipilte kikupna nei ding ahi. Tamna jong Synodality jong thupi poimaw tah khat ah kikupna nei hi ding ahi. Tualeh jong latna siengthou um ding, Hagau lungsim khongaina, hagau thu leh laa ki houna, Asia gamkai thupoimaw kikupna leh kimaituoh Lamkai tuomtuom kihounate um ding ahi , tuaban ah jong Asia gamkai pawlpite kikom tuohna hoisem dingdan jong thupi khat kikup ding ahi ajiehin Asia ahileh chi-le-nam, ham-le-pau, tawndan tuomtuom tamna ahi bana gal-le-sa um zing na, mizong-mingau tamna, galtai tamna leh khuo-le-hui jong sie mama ahi.

FABC Khawmpi ah Pu Pope thakhel Cardinal Oswald Gracias hing pang ding ah, lungsim khongai ah Pu Cardinal Luis Antonio Tagle in makai dinga tualeh Pu Cardinal Mario Greh in Synodality thu-le-laa nasietah genna nei ding ahi.

Tammi Khawmpi in catholic Pawlpi tasanna Asia gamkai ah hatsa semsem in gamchin-munchin ah kilemna leh muonna tung sah tahen.