FABC Khawmpi naitoh kitawn in Sri Lanka Catholic Pawlpi in Hattuom dang toh thuhoi-thupha ah lampi siem ding lunggul thu phuong
Asia gamkai catholic Pawlpi’n 12veina FABC Khawmpi Jakarta khuopi ah hingtung ding date 20-26, July, 2026 sung nei ding ua, tuana Sri Lanka catholic Pawlpi in Asia gamkai ah hattuom, pawl tuom toh ki thei siemna leh thuhoi-thupha um thein a dingin nasem ding adeidan thu talatna nei uhi.
Sri Lanka gam ah, Buddhist tampen ahia, tuana Hindu, Muslim leh Christian jong um ah, amaute’n pawl tuomtuom ahina jiehin kikhen lou in ki itna, ki thei siemna toh nichin hinkhuo amang khawm thei zing ding uh poimaw ua, tamte ahi theina dingin sakhuo tuomtuom lamkaite’n kihoukhawmna nei zing ding uhi thupi ahi.
Apeisa kum kikal 1980-1990 lai injong phmasa Fr. Aloysius Pieris, SJ, in sakhuo tuomtuom toh jong ki houkawmna na nei zing ah, sakhuo tuomtuom toh jong ki theisiemna nasatah in na um hi. Tuni’n in Caritas Sri Lanka, Centre for Society and Religious leh Episcopal Commission for Ecumenism and Interreligious Dialogue Pu Bishop Jude Nishantha Silva, lamkaina in Fr. Aloysius nasemte sem tou nalai in, sakhuo tuomtuom ah kilemna leh ki theisiemna um zing ahi.
Catholic Lamkai tuom2 ten Sakhuo tuom ki theisiemna dingin pan nasatah nanleh jong buaina tammi tuoh in shina , manta tanpha tua ua ahin lungneu lou in sem toutou, pahtawina leh nuam man tampi sang uhi.
Sakhuo ki theisiemna dingin Sri Lanka catholic Sangin ten jong panlahna tampi nei uhi. Tam panlahna tuom ki sem ua, vangsiet huaitah in 2019 ni’n Sri Lanka gam ah catholicte biehinn kai lai Easter Sunday ni’n biehinn mun 4 lang ah bomb poh a, tuate jiehin catholicte lungneulou nasem toutou nalai in tutan khol naisih uhi.
