FABC Assembly in Synodal suhing tha nading in pasian thu toh akipat masa angai hi achi hi.

Fr. Jan J. Stefanów, SVD, Secretary General of the Catholic Biblical Federation (CBF) in Asian gam a synodal hattuom siemtha na dingin siltha leh kithuhil tha apoimo pen ahisih a, hinanleh pasian thu a napitah a kibuah lut ding poimo zo hi achi hi.

July 22 in Fr. Stefanów in a 12veina Plenary Assembly of the Federation of Asian Bishops' Conferences (FABC) mang a hing kalsuon lamkai tuamtuam te kung a hattuom mission a ina nei uh Asian gambuppi a kituohna lei siemkhiet ding ichi pen pasian thu a kibulphu masa lou in lawching theilou ding ahidan atahlang hi.

Jakarta, Hotel Mulia mun a kibawl assembly in Asian gambup apat cardinals, bishops, priests leh hattuom lamkai tuomtuom te,"Synodal Conversion and the Mission to Be Bridges and Bridge-Builders in Asia." Chi thupi nuoi a hingpui khawm thei hi.

Tualeh Fr. Stefanów hattuom ten kituoh thei nading a mipi tetoh, nam tuomtuom leh sakhuo tuomtuom tetoh panlakhom a lei I bawl sawm pen pasian ama leh ei mihing te kikal a lei abawl pen a kinga ahi achi hi.

Tua lei khu ahileh ‘pasian laisiengthou’ pasian in lei leh van kikal a mihing tetoh kijop tua nading a abawl khu ahia, tualeh eite’n mipi te, nam tuomtuom te leh sakhuo tuamtuam te kung a I bawl sawm pen uh khu lei masa pen a kinga ahi, tuakhu “pasian thu” ma ahi achi hi.

Tualeh synodality ichi pen hattuom sunga sil kikhel tha ahiei ahisihleh thupuhna tha hing piengkhie bang a gel mai lou a hinanleh pasian thu te a laisiengthou tungtawn a gil deu a ngaikhiet jawh ding ahi chi’n agen hi.

Tualeh Fr. Stefanów in kalsuon khawm ding tungtang a synod documents tawp na ding in pasian thu siengthou ngaikhiet na khu Hattuom te khangtou nading a panla kipat na ahi achi hi.

Agen belap na a pasian in ama i phat leh patawi na te, I biehna te, i thumna te, athu i mang nateh, sil peisah te, silsiem teleh I lunggel te apat hing houpi jing ahia tualeh tam te jousie pen athu gil tah a i ngaikhiet na te tungtawng zieh ahi achi sawnsawn hi.

Tualeh Asian gamsung a bishop te kungah pasian laisiengthou leh athu puongza te suhing tha ding in gen hi. Aziehpen tam laisiengthou mah ahi FABC in sawt apat a pasian nna sepna a i ngai thupi pen uh ahi chi’n hanthawn hi.

Tuami tungtawn mah a tam Bishops' Institute for the Biblical Apostolate (BIBA), chia minvawh a Catholic Biblical Federation tetoh pangkhawm a Asian gamsung a pasian laisiengthou bu napitah a bawl khiet ahithei na ding in kum 10 val bang panlah in dingkhiet thei hi.

Tualeh kum 1999 in Malaysia gam a BIBA II ana um pen Asian gambupi a ding laisiengthou bu tungtawn a kikhel lamdang na ang tung masa pen hingding a tualeh kum 2010 ah BIBA III leh kum 2013 a BIBA IV hiding ahi chi’n talang hi.

Hinanleh tu kum 10 peisa sung ah pasian laisiengthou bu tungtawn a kikhel na pen hing ke ngiem mahmah ahi chi muthei in um ah, ahinlah tami FABC plenary assembly tungtawn a kisuhal thakia in panlah thei nading kawtlien pi kihong ahidan zong talang hi.

I gou nei te uh bangma a kikhel leh aki mansuo um nailou ahi, tuazieh in khatvei toh atha in panlah tha vai in isil neisa te zousie uh suhing kia va ui, chi’n mipi peikhawm te hanthawn hi.

Fr. Stefanów in atang koupih pen ahileh pasian nasep na tha phu tha ding hizawh lou ah, hinanleh Pope Benedict XVI's in apostolic exhortation Verbum Domini lekhabu a ana gel bang leh sinsah na bang in pasian laisiengthou leh thuhing pen khu hattuom te mission lian penpen hijo ding ahi chi’n agen hi.

Pasian laisiengthou bu pen hattuom chin a dinga pasian nasepna van jat lien pen hiding ahi chi’n jong agen hi.

Asian gambuppi a hattuom te’n numei leh pasal pasian laisiengthou bu simzing, lungtang kihong tah a thu ngaithei leh sie leh pha khen tel thei mi khu i synodal sung a kikhena lien pi tun tu ding te ahia, I hattuom in khumchi bang mite poimo mahmah ahi chi’n abelap tou hi.

Tualeh tambang a panlah thei nading in Asian gamsung a hattuom te vanjat tuomtuom lam hita leh,international network lam hitaleh, poimo dungzui a pangkhom thei ding in bangchi laipou in ki tawhsawn zing dinga mansah a um ahidan uh Catholic Biblical Federation te’n talang uhi.

Tualeh Fr. Stefanów in a thugen zo nading in, hattuom te’n ki suhing tha nading ah i panlah napen uh pawl tha kiphut khie lampang hijolou ah, lungtang ah pasian thu toh ki suhing tha lampang hijong ding in hawnthawn ah.

Tualeh i hattuom pen uh abul apat in pasian deidan te mu khie in, ginna toh zawh khawm in leh Asian gambuppi ah hattuom te ading a kijoptuahna lei bawl  khie ding in panlah chiet vai chi’n ahun azou tahi.