Asia gamkai Catholic lamkaite tuomtuom FABC Plenary Assembly nei ding, Indonesiaten zintun dingin kisingsah in um
Indonesia Kumpi jong Asia gamkai catholic pawlpi lamkaite khawmpi neina ding ua vaidawn dingin kisingsah in um a, tam Khawmpi 20-26 July, 2026 sung daiding ahi.
Indonesia Kumpi vaisaite’n hoitah in tampi Khawmpi kilawmtah leh lawchingtah ah ki mang theina ding leh amaute ahin tun leh kinuale tan lungmuang tah aum thei dingdan pan kilah ahi chin Ministry of Religious Affairs, Nasaruddin genna nei hi.
Tam Assembly sungin bangma buaina umlouna dingin Indonesia ah Lamkai tuomtuom ten silbang kim jousie sufel ahitah a, zintun na hoitah ki bawl thupipen ahi, ahing kikhawm ding muntuomtuom pan hing kalsuon lamkaite kipahna dingun thupitah in panlah dan Ministerpu in gen sawnsawn hi.
Tualeh jong Khawmpi mang dinga hinkuante wheelchair poimawte tanpha in mopuana kilah ding ahi chin Khawmpi vaisaite’n theisahna nei uhi.
Indonesia Kumpi in tambang panmun lahna ahileh Apeisa kum 2024 In Pu Pope Francis in Indonesia na zin jiehin ki theisiemna tut ahia tutoh kijui in kumpite’n jong Catholicte hoitah in vaidawnna nei ding ahi.
FABC 12vei kimukhawmna ah catholic Pawlpi Lamkai, Siadaw, Siempu leh milian, milal te Asia gamkai ah gam 29 leh Europe, America leh Africa gam pan jong hing kihal ding uh ahi. Tammi kimukhawmna in leitung pawl tuomtuomte leh Lamkai tuomtuom ten leitunga ki itna, kilemna leh muonna hing tungsah dingin lam-etna lienpi ahi.
