World Day of the Poor ni’n Pope Francis in mi 1300 toh ann nehkhawm na nei
The dicastery for Evangelization saina nei ah Caritas Italy leh St. Egidio Community te panlah na toh Pu Pope Francis in Leitunga mi gentheite ni (World Day of the Poor) kiman ni’n migenthei 1300 vel toh ann zaluina anei uhi. Tami ann zaluina a hi Italian company d'Amico Società di Navigazione te’n a sponsor ahi.
The local Catholic charity of Italy, Caritas Italiana te thuphuon dan in Italy gamsung ah migenthei million 5 val a om a tamte lah ah million 1 val hi naupangte ahi.
Leitung migentheite Ni (World Day of the Poor) hi, kum simsiel a hun nautang sunga nipi 33 nia ki nit zing ahia, tami ni’n ann zaluina anei uhi.
Tami ni’n damlou te en dingin St. Peter's Square ah zato inn khat akibol a gentheina jieh a zato inn pei thawlo te etsah nadinga kibol ahi.
Tami damlote etkolna toh kisai a pan kilahna hi Covid pul tunzo a aki bol kia masah na ahi.
Tualeh tami ni’n Rome khuopi sunga innkuon genthei a om 5000 vel nehding ann parcel in akipie uhi.
Italy gamsunga vanzuahna lien penpen te’n jong pan ala khawm ua mi gentheite dingin anntang, chi, bongnoi, sathau te leh sil dangdang hom na anei uhi. Tualeh Italy's insurance group, UnipolSai Assicurazioni te’n gas leh electric bill piethaw lo te kithuopi in a bill man uh apieh pie uhi.
