Pu Pope Francis Bahrain a azin anithum ni’n Bahrain National Stadium ah latna siengtho nei
Pu Pope Francis Bahrain a azin anithum ni’n Bahrain National Stadium ah latna siengtho nei
Apeisa kiginni’n Pu Pope Francis in tami latna siengtho ah mi 30,000 val atel hi. Tualeh mi 100 val in laapawl as aua kam tuomtuom in asa uhi.
Pu Pope Francis Pope motaw (Popemobile) in tami mun ah ahing peia mipite leh naupangte anousiet hi.
Hunpi a athugenna ah Pu Pope Francis in Isai laisiengtho hichi’n akawh hi, “aleeng gam sunga lemna leh avaihawm na alien semsem dinga, tawpni aneisih ding hi”.
Tuazo in Pu Pope Francis in mipite hantawhna aneia ki iitna toh gal zo vai chi’n mipi athuhil ahi.
“Topa’n ilungsung ua vah leh miel tualeh iitna leh mudana in eikhen uh atheia tualeh tami kikhenna a ibuoi uh athei mama hi.
“Mikhat in alungthah puma eihopi a ama sanga lungthah zo sem a idon ding tualeh khat in ei phebeh leh eima’n zong ibeh kia toh lemna hing om ding ahisih hi. Khat leh khat iki ngiemkhietna toh lemna hing omding ahibo hi. Tualeh Jesu’n iitna eina pieh pen ilungtang uah nei zing vai. Tualeh leitunga lemna hom te hivai”, chi’n mipi athuhil ahi.
Pu Pope Francis muslimte hatna gam ahona apatna ahisih a, 2019 kum in United Arab Emirates gam ah ana zin a mipi 170,000 mai ah latna siengtho ana neita ahi.
